الاثنين، 5 يناير 2009

لية الناس ماشية بالعكس

بيقولك اية ان الناس لما تغلب بيها الدنيا بتمشى عكس مش عكس يعنى قفاة ولف و ارجع تانى لاء عكس يعنى المبادى تقع و الى اتعلمة و هو صغير يبيعة و هو كبير و امشى جنب الحيط تسلم و المصيبة ان الحيط بيميل و بيميل و بيميل و هيقع على ام بوزة يعورة ويبهدلة طيب نتكلم فى نقطة لية الاحوال بقيت كدة فى مصر ندرسها من كل النواحى بس هنبدء بالاساس الاقتصادية والاجتماعية و السياسية

1- مصر من النواحى الاقتصادية ازاى مصر بقيت كدة
نبدء من الاول كان يا مكان يا سعد يا اكرام ما يحلا الكلام الا بذكر النبى علية الصلاة و السلام هقول من اول الاحتلال الانجليزى على مصر عشان لو بدئت من زمان هيجيلكو انهيار عصبى و احتمال بواسير من كتر القعدة و القراية مصر فى عهد الانجليز على الرغم من وجود 1-سلطة محتلة
2-حاكم خاربها على الشعب
الا ان الشعب المصرى كان فى ازهى مراحلة التاريخية من حيث النواحى الاقتصادية كان موجود اكتفاء ذاتى و كمان كنا متميزين فى مواد و خامات مثل القطن و الخشب بجميع انواعة و كانت عندنا حرافين بمستويات عالمية فى جميع المجالات و امتازنا بالقوة فى تحمل المهام الصعبة

ندخل على الاجتماعية
الاسرة كبيرة كلها مترابطة هناك حالة من الطاعة للاهل و للاب و للاخرين و كلة بيساعد كلة و محدش قليل الاصل

ملحوظة من محاولات الانجليز لتحريف اللغة العربية و تحويلها للانجليزية مثل ما حدث فى الجزائر من الفرنسيين للجزائرين و انسوهم العربية و اصبحو فرنسيين قولا وفعلا فشلت فشل تاااااااام و تم نتيجة لذلك هروب الجنود الانجليز من الخدمة و زواجهم من مصريات بل ودخولهم فى الاسلام بكثرة نتيجة لترابط الاسر وعدم السماح بالاختلاط الفكرى الحاد

ندخل على الناحية السياسية
الجميع فى حالة من الكراهية الدائمة للانجليز
وجود اغتيلات لمن يتعامل مع الانجليز
وجود مجموعات مقاومة بالسلاح و بالفكر
مظاهرات مستمرة فى كل من الازهر و الجامعات المصرية

ملحوظة تم قتل او القاء القبض على اهم الشخصيات الشعبية فى وقتها باستمرار و مع ذلك نجحت المقاومة الفكرية فى الاستمرار دائما
------------------------------------------------------------------------------------------------
نجرى شوية بسرعة و ندخل على عصر جمال عبد الناصر هناجل الثورة و الموضوع بتاعها

الحالة الاقتصادية متماسكة و الوضع الاقتصادى شبة حاد يكاد يصل الى السئ و مع ذلك نجح فى تخطى جميع العقبات الموضوعة امامة من حروب و بناء للسد العالى

الحالة الاجتماعية الاسرة مترابطة جدااااااااااااااااااااااا و هناك حالة من الحوار الدائم بين الافراد و الاهتمام المتبادل

الحالة السياسية وجود ترابط كبير بين جميع طوائف الشعب
التطوع فى الجيش او فى الفرق العسكرية الذاهبة لليمن او فلسطين كان شرف ما يوجد اسمى منة
التكاتف على انة افضل من وجد فى مصر للابد و هو جمال عبد الناصر
رغم اختلاف الكثير من القوة الوطنية معة لكن الاتفاق مع الشعب كان اقوى من اى قوى وطنية
-------------------------------------------------------------------------------------------------
ندخل على بطل الحرب و السلام السادات

اولا الظروف القتصادية صعبة جدااااااا البلد فى حالة نزيف على سيناء و حالة استنزاف لكل خيراتها لاجل المجهود الحربى و الاستعدادت الحربية عامة

الحالة الاجتماعية لم يتوحد عليها الكتاب و لكن اثبتو انها كانت مختلفة من حيث عدم ترابط الاسر و اختلاف المشاعر الفردية ووجود حالة من الهزيمة على مستوى كبير فى جميع اوساط الشعب

ملحوظة حدثت تكرر لحالات الفتن الطائفية التى اثبت بعد ذلك ان من ورائها دول خارجية

الحالة السياسية الجيش كان فى اسوء حالاتة من قلق و مشاعر و معنويات صفرية او تكاد تكون صفرية
الشعب منقسم على الرئيس السادات
التيارات السياسية رضيت عنة فى الاول و تكاتفت على اسقاطة و لم تنجح

-------------------------------------------------------------------------------------------------
ندخل على حسنى مبارك

الناحية الاقتصادية مصر فى اسوء عصورها الاقتصادية على مدى التاريخ لا تطوير ولا ازدهار و لا تعمير الا للحاجة الضرورية القصوى
الزراعة اصبحت الاعتماد على الخارج
الصناعة خامات من الخارج
التجارة منتعشة داخليا ميتة او شبة ميتة خارجيا
الازمات شبة متكررة و كثيرة جدااااااااااا و اخرها ازمة رغيف العيش التى توفى فيها اكثر من 80 فرد

ملحوظة تم خصخصة و بيع مصر كاملة و ذلك سيؤدى بعد ذلك فى المستقبل اما فرض عقوبات على مصر نتيجة لتاميم الاراضى و القطاعات و اما حروب


الحالة الاجتماعية قلة ترابط الافراد بداخل الاسرة الاب و الام اما مشغولون بوظائف الحياة لاجل توفير ما يكفى بالكاد من المال
انعدام المسئولية عند الشباب و لجوئهم الى المخدرات كحلول مبدئية لمشاكلهم الدفين من قلة زواج و عدم توافر اعمال
انكسار روح حب الوطن و ازدهار روح ملعون ابوها بلد بكرة اغور منها على اوروبا

ملحوظة سجلت حالات الزواج العرفى فوق ال 2.3 مليون زواج فى عصر مبارك و نتج عنة فوق ال600 الف طفل اما غير معترف بهم او اطفال شوارع او فى الملاجئ

الحالة السياسية المعارضة ضعيفة جدا و لا تقارن بالتيار الدينى المتصاعد ( الاخوان المسلمين)
الحركات السياسية الناشئة تقع فى نفس اخطاء الاخرين و اما ان تذبل او تظل تناضل الى الامام
وجود حالة من القمع و الرياء السياسى المستمر على جميع جهات الاعلام و الفضائيات و ايضا فى الشوارع
سيطرة الحزب الحاكم على كل المناصب العليا و المجالس مجلس الشعب و الشورى
تحكم قلة لا تزيد عن 50 فرد فى شئون الدولة عامة بمى تسمى بلجنة السياسات
دور الرئيس اما ان يشجب او يدين او يصمت مع الصامتين
و كثرة حالات البلطجة الامنية و البلطجة بقيادة القوى السياسية الحاكمة
موقف الجيش اسوء من ان يذكر لة قتلى على الحدود و حدوث انتهاكات كتكررة للحدود بدون تحرك و يناشد و يبايع حكم الرئيس حسنى مبارك و من يتكلم يتم اخراسة الى الابد.

ملحوظة عدد جيش مصر المسئول عن حماية اراضيها وجوها و مائها نصف مليون جندى
عدد قوات الامن المركزى لخنق و قتل و اعدام الصوت فى مصر لقمع المعارضة وتحويلها لبلد توريث لا انتخاب 4 مليون جندى امن مركزى مدعومين بشلل من البلطجية و القتلة و النهبة لدعم الديموقراطية المسببة
-------------------------------------------------------------------------------------------------
انا قولت الى عندى ادخل انت كمان و قول رايك و زودنى بالى تعرفة و شكرا للزيارة
يا عالم فيدونى انا واحد
محتاج اخد حقى

الثلاثاء، 12 أغسطس 2008

نظرااااااااا للشاعر الكبير احمد فؤاد نجم

نظرا لأن النعمة فاقت حدها
ولأننا مش قدها
ولأن فعلا انجازاتك
فوق طاقتنا نعدها
ولأننا غرقنا في جمايل
مستحيل حنردها
نستحلفك ....... نسترحمك
نستعطفك .......نستكرمك
ترحمنا من طلعة جنابك
حبتين
عايزين نجرب خلقة تانية
ولو يومين
اسمع بقى
إحنا زهقنا من النعيم
ونفسنا في يومين شقا
عايزين نجرب الاضطهاد
ونعوم ونغرق في الفساد
بيني وبينك حضرتك
دا شعب فقرى مايستحقش جنتك
أنا عارفه شعب ماينفعوش
إلا شارون وبلير وبوش
عايز يجرب الامتهان
ويعيش عميل للأمريكان
بيمد "غازه" لإسرائيل
ويومين كمان ويمد نيل
أهو يعنى نشرب ميه واحدة
ندوب في بعض
ماء وماء وماء
ونفض سيرة الانتماء
وبلاها نعرة وطنطنة
تبقى البلاد "مستوطنة "
(متسلطنة بالسرطنة)
إيه اللي خدناه م الكرامة والإباء
حبة خطب وكلام...كلام
إحنا راهننا على النظام
ورضينا بخيار السلام
(بخيار)حنسد عين الشمس بيه
علشان مايطلعش النهار
ويطلع لمين؟
حبة معارضة مغرضين؟
وحسب بيان السلطة
شلة مأجورين؟
ياعم فضك سيرة
وارضى بقسمتك
دا شعب مش فاهم أكيد
يالا اطرده من رحمتك
وإن كنت غاوي الحكم
خليك مطرحك
حاغطس واقب وأعود
بشعب يريحك
راضى وعمره مايجرحك
أخرس ومايسمعش
وأعميلك عينيه
مش كل قرش يبص فيه
مايقولش لأه، وفين، وليه
يضرب ينفض في السليم
وعلى الصراط المستقيم
كل اللي يعرف ينطقه
عاش الزعيم
يحيا الزعيم

للشاعر الكبير
أحمد فؤاد نجــــم

ندوة يوم 21 ان شاء الله بنقابة الصحفيين

ان شاء الله فى يوم 21 القادم يقام ندوة بنقابة الصحفيين بالدور الرابع لتكريم معتقلى يوم 23 يوليو عام 2008 الذين تم اعتقالهم فى الاسكندرية بتهمة رفع علم مصر و تطيير طائرة ورقية بالالوان العلمية الثلاثة و من التهم الموجها لهم و الباعثة على الضحك و الترفية تكدير السلم العام و تعطيل حركة المرور و التجمهر و علما بانهم كانو على الممشى الخاص بالكورنيش و لا علاقة لهم بالسلم العام

للتضامن على الفيسبوك الاشتراك فى الندوة و هذا هو لينك الندوة
http://www.new.facebook.com/event.php?eid=27441261370

الرجاء الحضور

السلام عليكم و رحمة الله و بركاتة

مرحبا بالزائرين على مدونة محتاج اخد حقى
--------------------------------

بدايتا احب ان ابدا بالسلام على كل من دخل هذة المدونة و انصحة بحاجتين الحاجة الاولى بانة يبحث عن نفسة ودة مش حاجة سهلة شوف انتى لية كدة و ابن مين و اصلك اية و لية بتقلد مش بتعمل لنفسك و لية حياتك بتتحول لجحيم مش جنة و انك مش من السهل انك تخلص حاجة و انة بقا من السهل انك تضرب عشان بتقول حق او نفسك حالك ينصلح بس الى حواليك مش مساعد حقك بيتاكل ورزقك بيتاخد و دينك بيهان و بلدك بقت بيت للكلاب الصهاينة و الامريكان لو انتى شايف كل دة وساكت يبقا انتا راضى و لو مش راضى تبقا اسمك محتاج تاخد حقك

و الحاجة ازاى تاخد حقك عن طريق المدونة هتعرف ازاى و على اى اساس ربنا هيكرمك و يكرمنا و تاخد حقك مش شرط بالسلاح و لا بالقتل و النهب و لكن بالمقاومة السلمية 100% و الى مفهاش هموتك عشان انتا كافر ولا عشان انتا على دين غير دينى دى المقاومة الى فيها حركة شباب 6 ابريل و الى انا عضو فيها و بفتخر بكدا و بحمد ربنا على النعمة دى انة هدانى على اناس لا يجمعهم غير حب مصر شباب مثلى معظمهم مثلى لم يحتويهم حزب و لا ايدلوجيات ولا جماعات و لا تنظيمات و لكن يجمعهم كلمة حق فى وش حاكم ظالم و شعب مظلوم